यो साता सुनको मूल्य तोलामा ३ हजार रुपैयाँ घटेको छ । हप्ताको अन्तिम दिन शुक्रबार सुन तोलाको ९१ हजार ३ सय रुपैयाँमा झरेको नेपाल सुनचाँदी व्यवसायी महासंघले जनाएको छ । 

हप्ताको पहिलो दिन आइतबार तोलाको ९४ हजार ३ सय रुपैयाँमा कारोबार भएको सुनको मूल्य सोमबार घटबढ भएन । 

साताको तेस्रो दिन मंगलबार एकैदिन तोलामा १८ सय रुपैयाँ घटेर तोलाको ९२ हजार ५ सय रुपैयाँमा कारोबार भएको सुनको मुल्य बुधबार तोलामा एक हजार रुपैयाँ घटेर तोलाको ९१ हजार ५ सय रुपैयाँमा झर्‍यो । 

त्यसमा बिहीबार स्थिर रहेको सुनको मूल्य शुक्रबार तोलामा २ सय रुपैयाँ घटेको छ । 

त्यसैगरी चाँदीको मूल्य यो हप्ता तोलामा ४० रुपैयाँ घटेको छ । आइतबार तोलाको १२ सय १० रुपैयाँमा कारोबार भएको चाँदीको मूल्य शुक्रबार ११ सय ६५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।