प्रधानमन्त्री तथा नेपाल कम्युनिस्ट पार्टीका अध्यक्ष केपी शर्मा ओलीले तत्काल राजीनामा दिन नहुने एक नागरिक समूहले केही दिनअघि विज्ञप्ति निकाल्दै जनाएको थियो ।
अब अर्को नागरिक समूहले प्रधानमन्त्री ओली नै भ्रष्टाचारमा लागेको तथ्य सार्वजनिक भएकाले उनले राजीनामा दिनुको विकल्प नभएको बताएको छ । उनी पदमा बसिरहनु औचित्यपूर्ण नहुने यो समूहको ठहर छ ।
ट्रान्सपरेन्सी इन्टरनेसनले सार्वजनिक गरेको वार्षिक प्रतिवेदनमा एशियाली मुलुकमा नेपालमा सबैभन्दा बढी भ्रष्टाचार हुने ठहर गरिएको थियो । उक्त प्रतिवेदनमा प्रधानमन्त्री ओलीले नै भ्रष्टाचारीको संरक्षण गरेको बताइएको थियो ।
यही आधारमा यो नागरिक समूहले प्रधानमन्त्री ओलीले राजीनामा दिनु पर्ने माग गरेको हो ।
यसरी प्रधानमन्त्रीको राजीनामा माग गर्दै निकालिएको विज्ञप्तिमा ट्रान्सपरेन्सी इन्टरनेसनलका पूर्वअध्यक्ष श्रीहरी अर्याल, अधिवक्ता दिनेश त्रिपाठी, अधिवक्ता नारयाणप्रसाद घिमिरे, नागरिक अभियन्ता तथा पूर्वप्रहरी रमेशप्रसाद खरेल, अधिवक्ताहरु इन्दु तुलाधरलगायत छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।