एक बजेका लागि तय भएको नेकपा सचिवालय बैठक एक घन्टा पर सरेको छ। महासचिव विष्णु पौडेलले आकस्मिक काम परेको भनेपछि २ बजे बैठक सारिएको नेकपामा सचिवालयका एक नेताले जानकारी दिएका छन् ।
प्रधानमन्त्रीसहित नेताहरुको कार्यव्यस्तताका कारण नेकपा सचिवालय बैठक केही समयपछि दिउँसो २ बजे बस्ने नेकपा प्रवक्ता नारायणकाजी श्रेष्ठले जानकारी दिए ।
मंगलबार बसेको नेकपा सचिवालय बैठक बुधबार फेरि बस्ने गरी सकिएको थियो । आजको बैठकमा प्रधानमन्त्री तथा नेकपाका एक अध्यक्ष केपी शर्मा ओलीले आफू उपस्थित नहुने बताइसकेका छन् । ओली उपस्थित नभएपनि अन्य नेताहरु भने बैठक राख्ने तयारीमा थिए ।
ओलीनिकट सचिवालय सदस्य पौडेलले पनि बैठकमा अनुपस्थित हुन बहाना गरेको हो वा साच्चै काम परेको भन्ने बारेमा भने जानकारी प्राप्त भइसकेको छैन ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
