बेलायतमा एक हजुरआमालाई कोरोनाभाइरसविरुद्धको भ्याक्सिन दिइएको छ । विश्वमा कोरोनाविरुद्धको भ्याक्सिन लगाउने उनी पहिलो व्यक्ति भएकी छिन् । 

यो फाइजर कम्पनीले बनाएको कोरोनाभाइरस भ्याक्सिन थियो । 

अर्को साता ९१ वर्ष पुग्ने मार्गारेट किननले यसलाई आफ्नो जन्मदिनको उपहारका रुपमा लिएको बताएकी छिन् । उनलाई फाइजर कम्पनीले बनाएको भ्याक्सिन बेलायतमा पहिलो पटक दिइएको हो । अहिले बेलायतले फाइजर कम्पनीले बनाएको ८ लाख डोज भ्याक्सिन आफ्ना नागरिकलाई लगाउन थालेको छ ।

यो महिनाको अन्त्यसम्म बेलायतमा ४० लाख जनालाई भ्याक्सिन दिइने बताइएको छ ।
 

मार्गारेट किननलाई भ्याक्सिन दिए पछि बेलायतमा प्रधानमन्त्री, स्वास्थ्य मन्त्री तथा अन्य अधिकारीले नयाँ कदम सुरु भएको बताएका छन् ।