उखुको भुक्तानी नपाएको भन्दै संघीय राजधानी काठमाडौं आएका सर्लाहीका किसान प्रदर्शनमा उत्रिएका छन् । उखु किसानले आइतबार बिहान काठमाडौंको माइतीघरमा प्रदर्शन गरेका छन् । 

चिनी मिललाई आफूले बेचेको उखुको भुक्तानी नपाएको भन्दै किसान आन्दोलन गर्न काठमाडौं आइ पुगेका  हुन् । 

गत वर्ष पनि तराईका विभिन्न जिल्लाबाट काठमाडौ .आई किसानहरु आन्दोलनमा उत्रिएका थिए । गतवर्ष पुष १८ गते उद्योग वाणिज्य तथा आपूर्ति मन्त्रालयले एक महिनाभित्रै भुक्तानी दिलाइदिने भनेर किसानहरुसँग सहमति गरेको थियो । तर सरकारको प्रतिवद्धता अनुसार भुक्तानी नपाएपछि उखु किसान मारमा परेका हुन् । सरकारी आँकडा अनुसार अझै मिलसँग किसानले  ५२ करोड भन्दा धेरै लिन बाँकी छ ।