नेपाली कांग्रेसका प्रभावशाली युवानेता प्रदीप पौडेलले प्रधानमन्त्री केपी शर्मा ओलीले संसद् छलेर अध्यादेश जारी गर्दैमा उनी प्रधानमन्त्रीमा रहिरहनुको औचित्य पुष्टि नहुने बताएका छन् ।
मंगलबार साँझ ट्विट गर्दै पौडेलले पार्टीभित्र अल्पमतमा परेपछि र लोकतन्त्रका न्यूनतम मर्यादा नाघेपछि ओलीको शासन गर्ने वैधता समाप्त भैसकेको बताएका हुन् ।
वैधता समाप्त भइसकेको अवस्थामा फेरि संसद छल्ने तर अध्यादेश जारी गर्दैमा ओली पदमा रहनुको औचित्य बच्न नसक्ने उनले बताए ।
आधा कार्यकाल काण्डैकाण्डले बितेको र अहिले छापामार शैलीमा ल्याएको अध्यादेशले देश र लोकतन्त्रलाई ठूलो क्षति पुग्ने पौडेलको दाबी छ ।
पार्टीभित्रअल्पमतमा परेपछी र लोकतन्त्रका न्युनतम मर्यादा नाघेपछी ओलीको शासन गर्ने वैधता समाप्त भैसकेको थियो।संसद छल्ने तर अध्यादेश जारी गरेर ओलीको औचित्य बच्न सक्दैन।आधा कार्यकाल काण्डै काण्डले बित्यो।अहिले छापामार शैलीमा ल्याएको अध्यादेशले देश र लोकतन्त्रलाई ठुलो क्षति पुग्नेछ।
— Pradip Paudel (@paudelpradipNC) December 15, 2020
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
