अमेरिकामा बुधबार एकैदिन २ लाख ५० हजार जनामा संक्रमण देखिएको छ । योसँगै अमेरिकामा कुल संक्रमितको संख्या १ करोड ७३ लाख ९४ हजार नाघिसकेको छ । 

कोराना भाइरस महामारी सुरु भएयता एकैदिन यति ठूलो संख्यामा संक्रमित भेटिएको यो पहिलोपटक हो । त्यस्तै, महामारी सुरु भएयता एकैदिन ठूलो संख्यामा मृत्यु भएको छ । बुधबार एकैदिन ३ हजार ७ सयको मृत्यु भएको छ ।  

यससँगै अमेरिकामा कोरोनाबाट ज्यान गुमाउनेको संख्या ३ लाख ७ हजार २ सय ९१ पुगेको छ ।