कोरोनाका कारण लामो समयदेखि बन्द रहेको फेवातालको बीचमा रहेको प्रसिद्ध धार्मिक पर्यटकीयस्थल वाराही मन्दिर खुला गरिएको छ ।

कोभिड– १९ का कारण गत चैतदेखि बन्द रहेको मन्दिर स्वास्थ्य सतर्कतासहित सर्वसाधारणका लागि बिहीबारदेखि खुला गरिएको हो ।

मन्दिर प्रवेशका लागि भौतिक दूरी कायम गर्दै एउटा मात्र डुंगाको प्रयोग गरिने र स्यानिटाइजरको व्यवस्था गरिने मन्दिर व्यवस्थापन समितिले जनाएको छ ।

मन्दिर खुलेसँगै व्यवसाय सञ्चालन हुने भन्दै डुंगा चालकसमेत खुसी भएका छन् ।