काठमाडौं : देशबाट अझै कोरोना संकट हटिसकेको छैन। बितेको २४ घण्टामा देशभर थप ५ सय जनामा कोरोना भाइरस संक्रमण देखिएको स्वास्थ्य तथा जनसंख्या मन्त्रालयले जानकारी दिएको छ।
शनिबार थपिएका ५ सय जनासहित देशभर हालसम्म संक्रमितको संख्या २ लाख ५७ हजार ७ सय पुगेको मन्त्रालयले जनाएको छ। मन्त्रालयका अनुसार ५ सय संक्रमित थपिँदा ८४० जना निको भएका छन्।
आजसहित कोरोना जित्नेको संख्या २ लाख ४९ हजार १ सय ३२ छ। २४ घण्टामै देशभर कोरोनाबाट तीन जनाले ज्यान गुमाएका छन्। हालसम्म देशभर कोरोनाबाट ८ सय १९ ले ज्यान गुमाएका छन्।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।