काठमाडौं : देशबाट अझै कोरोना संकट हटिसकेको छैन।  बितेको २४ घण्टामा देशभर थप ५ सय जनामा कोरोना भाइरस संक्रमण देखिएको स्वास्थ्य तथा जनसंख्या मन्त्रालयले जानकारी दिएको छ।

शनिबार थपिएका ५ सय जनासहित देशभर हालसम्म संक्रमितको संख्या २ लाख ५७ हजार ७ सय पुगेको  मन्त्रालयले जनाएको छ। मन्त्रालयका अनुसार ५ सय संक्रमित थपिँदा ८४० जना निको भएका छन्।

आजसहित कोरोना जित्नेको संख्या २ लाख ४९ हजार १ सय ३२ छ। २४ घण्टामै देशभर कोरोनाबाट तीन जनाले ज्यान गुमाएका छन्। हालसम्म देशभर कोरोनाबाट ८ सय १९ ले ज्यान गुमाएका छन्।