जनता समाजवादी पार्टीको संघीय परिषद्का अध्यक्ष नेता बाबुराम भट्टराईले प्रधानमन्त्री केपी ओलीले घोषणा गरेको चुनावलाई ज्ञानेन्द्रले घोषणा गरेको चुनावजस्तै भएको भन्दै त्यसमा नलोभिन कांग्रेसलाई आग्रह गरेका छन् ।
संसद् विघटनविरुद्ध काठमाडौंमा आइतबार जसपाले गरेको प्रदर्शनलाई सम्बोधन गर्दै नेता भट्टराईले ओलीले चुनाव गर्लान् र आफू ठूलो दल भइएला भन्ने आस नगर्न कांग्रेसलाई सुझाब दिएका छन् ।
भट्टराईले अहिले संसद् विघटन गरी चुनाव गर्ने नाममा ओलीले विषको भाँडोमा माथि अमृत देखाएको उल्लेख गर्दै उनले आफूहरु चुनावतिर नलाग्ने बरु विद्रोहद्वारा पुनःस्थापना गर्ने दाबी गरे ।
गणतन्त्रको बेला बयलगाडामा अमेरिका पुगिँदैन भन्ने ओलीले अहिले चुनाव गराउने आस गर्नु बेकार भएको उनको बुझाइ छ ।
उनले अदालतप्रति झिनो आस मात्रै रहेको बताए । प्रतिनिधिसभाका सभामुखलाई तत्काल संसद बोलाउन आग्रह गर्दै उनले बाँकी निर्णय त्यहीँबाट गर्न सकिने बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।