नेकपा महासचिव विष्णु पौडेलले प्रतिनिधिसभा पुनःस्थापनाकोे माग हास्यास्पद भएको बताएका छन् । नेकपा रुपन्देहीको अगुवा कार्यकर्ता भेलालाई आइतबार सम्बोधन गर्दै उनले संसद पुन:स्थापित हुने कुनै संवैधानिक र कानुनी आधार नभएको दाबी गरे । 

प्रतिनिधिसभा विघटन प्रचण्ड र उनको समूहले सिर्जना गरेको अवस्था भएको भन्दै उनले सो कदम लोकतान्त्रिक र संवैधानिक रहेको दाबी गरे । 

करिब ६४ प्रतिशत सांसदको साथ र दुईतिहाइ बहुमत प्राप्त प्रधानमन्त्रीलाई प्रतिनिधिसभा विघटनको अधिकार भएको भन्दै उनले प्रचण्डसहितका नेता सडकमा जानु र संसद् पुनःस्थापनाको माग गर्नु हास्यास्पद भएको बताएका हुन् ।