मंगलबार सुनको मूल्य एकैदिन तोलामा ११ सय रुपैयाँ बढेको छ । मंगलबार सुन तोलाको ९६ हजार ४ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यसअघि शुक्रबारको मूल्यमा स्थिर रहँदै आइतबार सुन तोलाको ९४ हजार ५ सय रुपैयाँमा कारोबार भएको थियो भने सोमबार तोलामा ८ सय रुपैयाँ बढेर सुन तोलाको ९५ हजार ३ सय रुपैयाँमा कारोबार भएको थियो ।
अमेरिकी डलर कमजोर हुँदा सुनको मूल्य बढेको हो । भारतीय मुद्रा अमेरिकी डलरको तुलना कमजोर हुँदा नेपालमा सुनको मुल्य बढेको महासंघले जनाएको छ ।
अन्तर्राष्ट्रिय बजारमा मंगलबार सुन प्रति औंश १९ सय ४० डलर पुगेको छ । यसअघि सोमबार प्रति औंश १९ सय २१ डलरमा कारोबार भएको थियो ।
सोमबारको भन्दा मंगलबार झण्डै १९ डलरले सुनको मूल्य बढेपछि नेपालमा पनि प्रभाव परेको महासंघ अन्तरर्गतको भाउ निर्धारण समिति संयोजक तेजरत्न शाक्यको भनाइ छ ।
यस्तै मंगलबार चाँदी पनि तोलामा १० रुपैयाँ बढेर तोलाको १३ सय ३५ रुपैयाँमा कारोबार भइरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।