पछिल्लो २४ घण्टामा थप ५२२ जनामा कोरोना (कोभिड–१९) को संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ४ हजार ५५१ को स्वास्थ्य परीक्षण गर्दा १८४ महिला र ३३८ पुरुषमा संक्रमण पुष्टि भएको हो ।

हालसम्म नेपालमा दुई लाख ६२ हजार ७८४ जनामा कोरोना भाइरस संक्रमण देखिएको छ । 

पछिल्लो २४ घण्टामा ५७८ निको भएसँगै संक्रमणमुक्त हुनेको कुल संख्या दुई लाख ५५ हजार ६६६ पुगेको मन्त्रालयले जनाएको छ । हाल देशभर ५ हजार २२५ सक्रिय संक्रमित रहेको मन्त्रालयको तथ्यांक छ ।

पछिल्लो २४ घण्टामा थप आठ जनाको मृत्यु भएसँगै देशभर कोरोनाका कारण मृत्यु हुनेको संख्या एक हजार ८९३ पुगेको छ ।