नेकपा विभाजित भएपछि तटस्थ बसेका उपाध्यक्ष वामदेव गौतमले चिनियाँ राजदूतसँग भेटेको भन्ने प्रचार भ्रामक भएको भन्दै उनको सचिवालयले प्रष्टीकरण दिएको छ । ्

गौतमकाे सचिवालयमा रहेका विश्वमणि सुवेदीले सामाजिक सञ्जालमार्फत सो समाचारको खण्डन गरेका हुन् । यद्यपि, उनले चिनियाँ राजदूतसँग वामदेवको देखादेख भएको भने स्वीकार गरेका छन् । 

‘नागपोखरीमा क्याफे इमाडिगोको माथिपट्टि वामदेव कमरेडको छोरा तथा युवा संघका नेता क. हरिशदेवको अफिसमा उहाँ जानुभएको थियो । त्यहीँ चिनियाँ राजदूत कफी पिउन जाने गर्नुभएको रहेछ। त्यहाँ देखादेख मात्रै भएको हो,’ सामाजिक सञ्जाल फेसबुकमा सुवेदीले लेखेका छन्, ‘कुराकानी भएको होइन । यद्यपि, उहाँहरू दुवै पार्टी एकता पक्षधर हुनुहुन्छ ।’