नेपाल धितोपत्र बोर्डले धितोपत्र कारोबारको राफसाफ चक्र दुई दिन कायम गर्ने बाटो खोलिदिएको छ ।
बोर्डले सिडिएस एण्ड क्लियरिङ लिमिटेडले दुई दिनको राफसाफ चक्र कायम हुने गरी संशोधनका लागि पेश गरेको विनियमावलीलाई बोर्डले स्वीकृति दिएको हो ।
संशोधित विनियमावलीलाई स्वीकृति प्रदान गर्दै बोर्डले कार्यान्वयनको जिम्मेवारी सिडिएससीलाई सुम्पेको छ ।
टि प्लस टु राफसाफ तथा फर्छ्यौट चक्र कार्यान्वयनसँगै धितोपत्रको तरलता वृद्धि भई बजार थप गतिशिल हुने र लगानीकर्तालाई थप लगानीको अवसर प्राप्त हुने बोर्डको विश्वास छ ।
बोर्डको यस वर्षको नीति तथा कार्यक्रममा पनि धितोपत्र कारोबार राफसाफ तथा फर्छ्यौट प्रणालीलाई २ दिनमा झार्ने योजना बनाएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
