साझा विवेकशील पार्टीका अध्यक्ष रवीन्द्र मिश्र र प्रधानमन्त्री केपी शर्मा ओलीका प्रमुख सल्लाहकार विष्णु रिमाल ट्विटरमा एकअर्कासँग प्रतिवादमा उत्रिएका छन् ।

पछिल्लो समय प्रधानमन्त्री केपी शर्मा ओलीको संसद विघटनको कदमको विरोधमा सामाजिक सन्जालमा यस्तो रमाइलो अलिक बढी नै देखिन थालेको छ । यही क्रममा आएको हो, मिश्र र रिमालको यो वार । 

मिश्रले लेखेको एक ट्विटमा जब रिमालले उनलाई सीमामा बस्न आग्रह गरेका छन्, तब अन्य सामाजिक सन्जाल प्रयोगकर्ताले पनि रिमालको चर्को आलोचना गरेका छन् । मिश्र स्वयंले पनि रिमाललाई जवाफ फर्काएका छन् । 

पढ्नुहोस्, यी दुईका ट्विटहरुः 

सीमामा बस्नुस् रबीन्द्र जी!
तपाईँको यो ट्वीट टिप्पणी गर्न पनि उपयुक्त छैन ।
यति चाहि भनूँ- मर्यादा नाघ्ने जोसुकै जतिसुकै सेलिब्रिटी भए पनि त्यससंग समयले जवाफ माग्ने छ।

— Bishnu Rimal (@BishnuRimal) January 9, 2021

प्रिय @BishnuRimal जी,
देशको प्रधानमन्त्रीका प्रमुख सल्लाहकारले आमरुपमा र देशका विशिष्ट व्यक्तित्वहरूले गरिरहेको टिप्पणीलाई नै दोहोर्याउँदा "सीमामा बस्नुस्" भनेर धम्कीपूर्ण भाषा प्रयोग गर्नु उपयुक्त हुँदैन थियो। विमती जनाउनुभएको भए भइहाल्थ्यो। सानो सुझाव मात्र। https://t.co/ruPxIfixHW

— Rabindra Mishra (@RabindraMishra) January 9, 2021