झापामा आगलागीमा परी एकजनाको मृत्यु भएको छ । झापा दमक नगरपालिका–३ बेलडाँगीमा रहेको भुटानी शरणार्थी शिविरमा आगलागी हुँदा एकजनाको मृत्यु भएको जिल्ला प्रहरी कार्यालय झापाले जनाएको छ ।
गएराति भएको आगलागीमा परी भुटानी शरणार्थी शिविरको सेक्टर नं डि ४, छाप्रा नं ३२५ बस्ने ६० वर्षीय देशमान राईको मृत्यु भएको प्रहरीले जनाएको छ ।
प्रहरीका अनुसार पक्षघातमा बिरामी रहेका राई आगलागीपछि भाग्न नसकेको र छाप्रामै जलेर मृत्यु भएको हो ।
राई शिविरको बाँसले बारेको टिनको छानो हालिएको छाप्रामा बस्दै आएका थिए । आगलागीबाट छाप्रामा रहेको नगद तीन लाख, सुन चाँदी, लत्ताकपडा, खाद्यान्न जलेर नष्ट प्रहरीले जनाएको छ ।
इलाका प्रहरी कार्यालय दमक र प्रहरी चौकी बाघखोरबाट खटिएको प्रहरी र दमक नगरपालिकाको दमकलको सहायतामा आगो नियन्त्रणमा लिइएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।