युरोपियन इकोनोमिक चेम्बर (इइसी)को नेपाल अध्यक्षमा नारायण बजाज चयन भएका छन् । इइसीको हालै सम्पन्न १३औं वार्षिक साधारणसभाले सर्वसम्मत रुपमा बजाजलाई अध्यक्षमा चयन गरेको हो ।
सभाबाट बजाजको अध्यक्षतामा २०२१–२०२४ का लागि नयाँ कार्यकारी समितिसमेत चयन भएको छ । साधारणसभाबाट इइसीको उपाध्यक्षमा लक्ष्मी शर्मा, पुष्पदास श्रेष्ठ तथा राजेन शर्मा चयन भएका छन् ।
त्यसैगरी महासचिवमा दिपेन्द्र पी. प्रधानाङ्ग चयन भएका छन् भने कोषाध्यक्षमा अनिन राजभण्डारी चुनिएका छन् ।
चेम्बरको कार्यकारी सदस्यमा बद्री कोइराला, संजय अग्रवाल, अशोकमान कपली, कृष्ण ज्योति शाक्य र सिद्धार्थमणि राजभण्डारी चयन भएको बताइएको छ ।
सभामा प्रस्तुत संस्थाको वार्षिक प्रतिवेदन तथा लेखा परीक्षकको प्रतिवेदनसमेत सर्वसम्मत रुपमा पारित भएको छ ।
सभाकै अवसरमा विभिन्न व्यक्तिलाई पदक तथा सम्मान पत्रद्वारा सम्मानित समेत गरिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
