काठमाडौँको भद्रकालीस्थित आकाशेपुल नजिक वा ३ ख ४४३७ नंको बस अनियन्त्रित भई पल्टिँदा तीन जना घाइते भएका छन् । बसमा तीन जना मात्रै रहेको बुझिएको छ । घाइतेहरुको पहिचान नभएको प्रहरीले जनाएको छ । 

महानगरीय प्रहरी परिसरका प्रहरी नायब उपरीक्षक प्रमेश विष्टका अनुसार बिहान उक्त दुर्घटना हुँदा घाइते भएकाहरुको अहिले ट्रमा सेन्टरमा उपचार भइरहेको छ । 

घाइतेमध्ये चालकको अवस्था गम्भीर रहेको छ । घटनापछि केहीबेर सवारी साधन आवागमनमा समस्या भएको थियो ।