तातोपानी भन्सार कार्यालयले पुसमा २२ करोड रुपैयाँ राजस्व संकलन गरेको छ । विभिन्न कारणले लामो समय आयात ठप्पजस्तै बनेको  तातोपानीबाट पछिल्लो समय चिनियाँ सामान आउने क्रम बढेसँगै पहिलेको तुलनामा राजस्व बढेको भन्सार प्रमुख लालबहादुर खत्रीले बताए । 

मंसिरमा दैनिक ८ वटा कन्टेनर आउने गरेकोमा अहिले बढेर दैनिक २० पुगेको  उनले बताए । तातोपानी नाका हुँदै हाल मेसिनरी पार्टपुर्जा र गार्मेन्टका सामानसमेत आउने गरेको उनले  जानकारी दिए ।

विस्तारै लयमा फर्कँदै  गरेको तातोपानी भन्सार एक सातापछि पुनः बन्द हुने भएको छ । सीमा पुल पुनर्निर्माणका लागि भन्दै नाका एक साता बन्द गर्न लागिएको हो