नेत्रविक्रम चन्द ‘विप्लव’ नेतृत्वको सरकारद्वारा प्रतिबन्धित नेपाल कम्युनिस्ट पार्टीले केन्द्रीय सचिवालय सदस्य धर्मेन्द्र बाँस्तोला ‘कञ्चन’लगायत नेता तथा कार्यकर्ता पक्राउको विरोधमा आन्दोलनका कार्यक्रम सार्वजनिक गरेको छ ।
प्रहरीले बुधबार बाँस्तोलासहित ३ जनालाई पक्राउ गरेको थियो । उनीहरु ललितपुरको गिम्दीबाट पक्राउ परेका थिए ।
विप्लव नेकपाले आन्दोलनका कार्यक्रमअन्तर्गत माघ ३ मा देशभर विरोध जुलुस, ५ मा विरोध सभा, माघ ७ मा विरोध प्रदर्शन र माघ ९ मा मसाशाल जुलुस गर्ने भएको छ ।
महासचिव विप्लवद्वारा जारी विज्ञप्तिमा माघ १० मा नेपाल बन्द गर्ने जनाइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
