विवेकशील पार्टीले शुक्रबार पनि माइतीघर मण्डलमा ‘लोकतन्त्रको बिरुवा नमार !’ भन्दै संसद विघटनविरुद्ध प्रदर्शन गरेको छ । विरोध कार्यक्रममा सांकेतिक रुपमा गमला प्रदर्शन गरिएको छ ।

‘लामो संघर्ष तथा त्यागपछि प्राप्त लोकतन्त्र शैशवकालमै रहेको छ । यसलाई हुर्काउने तथा संस्थागत गर्नुपर्ने अहिलेको समयमा यसको घाँटी निमोठ्न खोज्नु देशका लागि अशुभ संकेत हो,’ विवेकशील पार्टीका नेता तथा सामाजिक अभियन्ता शशिविक्रम कार्कीले भने ।

विवेकशील पार्टीले हरेक दिन बिहान साढे १० बजे माइतीघर मण्डलमा संसद् विघटनविरुद्ध प्रदर्शन गरिरहेको छ ।