नेपाली काँग्रेसका महामन्त्री डा शशांक कोइरालाले अहिलेको अवस्थामा कांग्रेस सत्तामा नजाने बताएका छन् । उनले केपी ओलीको सरकारले ३ वर्ष ६ महिनासम्म जनताका लागि केही काम गर्न नसकेको आरोप पनि लगाए । उनले भने, ‘अकर्मण्य सरकारको अपजस लिन कांग्रेस सत्तामा जाँदैन ।’
वैशाखमा निर्वाचन हुनका लागि निर्वाचन आयोगले नेकपा विभाजनको टुङ्गो लगाउनु पर्ने कोइरालाको धारणा थियो । उनले निर्वाचन आयोगले नेकपाको टुङ्गो नलगाएसम्म निर्वाचन हुन नसक्ने बताए ।
सञ्चारकर्मीसँग आज चितवनका कुरा गर्दै उनले भने, ‘निर्वाचन हुनका लागि नेकपा फुटेको आयोगले जानकारी गराएर चुनाव चिह्न दिनुपर्छ ।’ यही अवस्थामा अगामी वैशाखमा निर्वाचन हुने सम्भावना नरहेको उनको भनाइ थियो ।
उनले भने, ‘अहिले हामी कसैलाई काखा र कसैलाई पाखा गर्ने पक्षमा छैनौं । हाम्रो आन्दोलन सत्ताका लागि नभएर लोकतन्त्र संरक्षणका लागि भएकाले कांग्रेसले स्वतन्त्ररुपमा एक्लै आन्दोलन गर्छ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
