सन् २०२० को डिसेम्बरमा पहिलो पटक चीनको वुहानमा देखिएको कोरोनाभाइरसको नयाँ भ्यारिएन्ट अब विश्वका लागि समस्या हुन थालेको छ । 

पछिल्ला केही दिन यता अमेरिकामा कोरोनाभाइरसको नयाँ भ्यारिएन्ट समस्या हुन थालेको हो । सबैभन्दा पहिले बेलायतमा भेटिएको यो भ्यारिएन्ट अब अमेरिकामा मार्चसम्म समस्या हुनसक्ने बताइएको छ ।

अमेरिकाको सेन्टर फर डिजिज कन्ट्रोल एन्ड प्रिभेन्सन (सिडिसी)ले यो चेतावनी पनि दिएको छ । सिडिसीले अबका केही साता यो भाइरसको नयाँ भ्यारिएन्ट थप समस्या हुन सक्ने र यसको फैलावट निकै रफ्तारमा हुनसक्ने चेतावनी दिएको हो ।

चिसो मौसम सुरु भएसँगै कोरोनाको संक्रमणको समस्या बढ्दै गएको पनि सिडिसीले जनाएको छ ।

अहिले आएको कोरोनाको भ्याक्सिन नयाँ भ्यारिएन्टलाई खासै प्रभावकारी नभएको बताइएकाले यसलाई थप चिन्ताको रुपमा लिइएको छ ।