के साँच्चै आज नेपालमा कोरोना खोप भित्रिँदै छ ?
फरकधार / ७ माघ, २०७७

विश्वका थुप्रै मुलुकमा अहिले कोरोना भाइरस (कोभिड–१९) विरुद्धको खोप लगाउने अभियान चलिरहेको छ । नेपालको दक्षिणी छिमेकी देश भारतमा पनि कोरोना खोप अभियान सुरु भएको ४ दिन भइसकेको छ । 

 सरकारले नेपालमा कोरोना खोप भित्र्याउन लागि परिरहेको जानकारी दिन थालेको निकै भइसक्यो । यसैबीच बुधबार नेपालका भारतबाट कोरोना खोप आउने भनेर चर्चा चलिरहेको छ । विभिन्न स्रोतको हवला दिँदै थुप्रै मिडियाहरूले यसबारे समाचार पनि प्रकाशन गरिरहेका छन् । 

केही भारतीय अनलाइनहरुले पनि भारतले नेपालसहित भुटान, बंगलादेश, माल्दिभ्स, म्यानमार लगायत छिमेकी देशमा बुधबार कोरोना खोप पठाउन लागेको भनी खबर दिएका छन् । 

चर्चा भएअनुसार नेपालमा बुधबार कोरोना खोप नआउने स्वास्थ्य मन्त्रालय स्रोतले स्पष्ट पारेको छ । नेपालको कोरोना खोप कहिले ल्याउने कसरी ल्याउने अन्तिम टुंगो लगाउन बुधबार स्वास्थ्य मन्त्रालयमा बैठक बस्दैछ । 

मन्त्रालय स्रोतका अनुसार आजको बैठकपछि पत्रकार सम्मेलन गरेर यसबारे जानकारी दिने तयारी छ । 

कोरोना खोपकै तयारीका लागि मंगलबार बेलुकासम्म स्वास्थ्य मन्त्रालयमा बैठक बसेको स्रोतले जानकारी दिएको छ । बैठकमा नेपालका कोरोना खोप भित्र्याउने जिम्मा पाएको स्वास्थ्य सेवा विभाग परिवार कल्याण मशाखाशाका अधिकारीहरु, स्वास्थ्य सेवा विभाग इपिडिमियोजोली तथा रोग नियन्त्रण महाशाखाका अधिकारी र  स्वास्थ्य मन्त्रालयका उच्च पदस्थ अधिकारीहरु सहभागी थिए । 

नेपालका खोप आउनेबित्तिकै वितरणका लागि सबै तयारी भइसके पनि खोप आउने दिनको टुंगो लागि नसकेको स्वास्थ्य मन्त्रालय स्रोतले जानकारी दिएको छ । 

'जतिसक्दो छिटो ल्याउने तयारी छ, अहिलेसम्म दिन नै चाँही तोकिएको छैन' स्रोत भन्छ ।

 

  • प्रकाशित मिति : माघ ७, २०७७ बुधबार ९:३८:१६,   अन्तिम अपडेट : माघ ७, २०७७ बुधबार ११:५०:२४

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया