एजेन्सी : नेपाललाई समेत नि:शुल्क दिइएको कोभिड-१९ विरुद्धको कोभिसिल्ड भ्याक्सिन निर्माता सिरम इन्स्टिच्युट अफ इण्डिया (एसआइआई) को पुणेस्थित भवनमा  भीषण आगलागी भएको छ।

भारतीय सञ्चारमाध्यमहरूका अनुसार सिरमको प्रयोगशाला राखिएको भवनको पाँचौ तलामा आगलागी भएको हो। समाचार अनुसार  यो तलामा बिसिजी खोपसम्बन्धी अनुसन्धान भइरहेको थियो।

सिरमका कार्यकारी निर्देशक सुरेश जाधव आगलागी भइरहेको भवनमा कोभिसिल्डको ठूलो परिमाण भण्डार गरिएको बताएका छन्। पुणे सहरका मेयर मुरलीधर मोहोलले १० भन्दा धेरै दमकल आगो निभाउन लागिरहेको बताएका छन्। उनले दिउँसो साढे २ बजे घटनाबारे जानकारी पाएको बताएका छन्।