भारतले नेपाललाई दिने वार्षिक अनुदान गत वर्षको तुलनामा बढाएको छ । भारतले आज बजेट सार्वजनिक गर्दै नेपाललाई दिने अनुदान गत वर्षको तुलनामा करिब तीन अर्ब रुपैयाँले वृद्धि गरेको हो ।
भारतीय वित्त मन्त्री निर्मला सितारमणले सोमबार लोकसभामा पेश गरेको २०२१–२२ को बजेटमा नेपाललाई दिने अनुदान गत वर्षको तुलनामा १ अर्ब ८९ करोडले बढाएकी हुन् ।
बजेटमा आगामी वर्षका लागि नेपाललाई दिने अनुदानका लागि ९ अर्ब ९२ करोड भारु (१५ अर्ब ८७ करोड रुपैयाँ) विनियोजन गरिएको छ । गत वर्षको बजेटमा भने ८ अर्ब भारु (१२ अर्ब ८० करोड रुपैयाँ) मात्र विनियोजन गरिएको थियो ।
गतवर्ष नेपाललाई दिने अनुदान अघिल्लो वर्षको तुलनामा करिब आधाले नै घटाइएको थियो । भारतले सन् २०१९–२१ का लागि करिब १२ अर्ब भारु अनुदान दिएकोमा गत वर्ष अर्थात् सन् २०२०–२१ का लागि ८ अर्ब भारु मात्र विनियोजन गरेको थियो ।
भारत सरकारले विदेश मन्त्रालयमार्फत नेपाललाई वित्तीय सहयोग गर्दै आएको छ विगतमा जस्तै भारतबाट अनुदान पाउने मुलुकमा यस वर्ष पनि भुटान पहिलो नम्बरमा छ ।
बजेटमार्फत भारतले घोषणा गरेको अनुदान ( भारु)
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
