नेपाली कांग्रेसमा संवैधानिक निकायमा नियुक्त भएका आफ्ना समर्थकहरुलाई फिर्ता बोलाउन माग उठेको छ । कांग्रेस केन्द्रीय सदस्य धनराज गुरुङले यस्तो माग उठाएका हुन् ।
बुधबार साँझ ट्विट गर्दै गुरुङले संवैधानिक परिषद्सम्बन्धी अध्यादेश, नियुक्ति सिफारिस र शपथमा समेत पार्टीले विमति राखिसकेकाले पार्टीका तर्फबाट नियुक्ति भएकाहरूलाई फिर्ता बोलाउनुपर्ने माग गरेका हुन् ।
कांग्रेस सभापति शेरबहादुर देउवालाई मेन्सन गर्दै उनले ट्विटरमा लेखेका छन्, ‘सभापतिज्यू, संवैधानिक परिषद्सम्बन्धी अध्यादेश आयोगहरूमा नियुक्ति र आजको शपथसम्बन्धी कांग्रेसको विमति रहिआएको प्रवक्ताले प्रस्ट पारिसक्नुभएको छ, अब आयोगहरूमा नियुक्ति भएका कांग्रेसका साथीहरूलाई फिर्ता बोलाइयोस् ।’
आदरणीय सभापति @DeubaSherbdr ज्यु! संबैधानिक परिषद सम्बन्धि अध्यादेश, आयोगहरुमा नियुक्ति र आजको सपथ सम्बन्धि कांग्रेसको विमति रहिआएको र यस सम्बन्धि प्रवक्ता @bishwaprakash77 ज्युले ट्विट मार्फत प्रस्ट पारिसक्नु भएकोले आयोगहरुमा नियुक्ति भएका कांग्रेसका साथीहरूलाई फिर्ता वोलाइयोस्।
— Dhan Raj Gurung (@dhanrgrg) February 3, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।