लगानीकर्ताको डिम्याट खातामा चन्द्रागिरी हिल्सको साधारण सेयर (आइपिओ) जम्मा भएको छ । सिडिएस एण्ड क्लियरिङ लिमिटेडले बुधबार सेयरधनीको खातामा कम्पनीको आइपिओ जम्मा गरेको हो ।

आगामी साताको आइतबारदेखि नै धितोपत्रको दोस्रो बजारमा कम्पनीको सेयर कारोबार हुने बताइएको छ ।

उक्त सेयर माघ ९ गते शुक्रबार बाँडफाँड गरिएको थियो । जसमा १ लाख ३९ हजार ६०० जनाले गोलाप्रथाबाट १० कित्ताका दरले र २ जनाले ११ कित्ता पाएका छन् ।

चन्द्रागिरी हिल्सले सर्वसाधारणमा पुस २४ गते २८ गतेसम्म १५ लाख ३४ हजार ९१ कित्ता सेयर जारी गरेकोमा कर्मचारी र सामुहिक लगानी कोषलाई छुट्याएर १३ लाख ९६ हजार २२ कित्ता सेयरका लागि सर्वसाधारणबाट आवेदन माग गरेको थियो ।