प्रचण्ड–माधव पक्षले देशैभरि गरेको आम हड्ताललाई सफल पार्नका लागि कर्णाली प्रदेशका मुख्यमन्त्री महेन्द्रबहादुर शाही पनि सडकमा आएका छन् । बिहीबार दिउँसो वीरेन्द्रनगरस्थित मंगलगढी चोकमा पुगेर उनले आन्दोलनमा ऐक्यबद्धता जनाएका हुन् । 

मुख्यमन्त्री शाहीसँगै कर्णाली प्रदेश सरकारका भूमि, व्यवस्था, कृषि तथा सहकारीमन्त्री विमला केसी, उद्योग पर्यटन वन तथा वातावरणमन्त्री नन्दसिंह बुढा पनि आन्दोलनमा सहभागी भए ।  

आन्दोलनमा ऐक्यबद्धता जनाउन गएका मुख्यमन्त्री शाहीले प्रधानमन्त्री केपी शर्मा ओलीको असंवैधानिक कदमविरुद्ध बाध्य भएर सडकमा आउनुपरेको बताएका छन् ।