महिला लघुवित्त वित्तीय संस्था लिमिटेडको आइपिओ निष्कासन मिति परिवर्तन भएको छ । सिडिएस एण्ड क्लियरिङको अनुरोधमा निष्कासन मिति परिवर्तन गरी पछाडि सारिएको लघुवित्तले बताएको छ । 

लघुवित्तले जारी पूँजी १० करोड रुपैयाँको ४० प्रतिशतले हुन आउने रकम ४ करोड रुपैयाँ बराबरको प्रति कित्ता १०० अंकित दरका ४ लाख कित्ता साधारण सेयर निष्कासन गर्न लागेको हो ।

सिडिएस एण्ड क्लियरिङले प्राविधिक कारण जनाई सो निष्कासन मिति सार्न अनुरोध गरेको कम्पनीको सूचनामा उल्लेख छ ।

यसअघि २८ गतेदेखि निस्कासन गर्ने भनिएको लघुवित्तको आइपिओमा अब माघ ३० गतेदेखि निस्कासन हुने छ । आइपिओमा छिटोमा फागुन ४ गतेसम्म र ढिलोमा फागुन १४ गतेसम्म आवेदन दिन सकिने बताइएको छ ।