अमेरिकाले म्यानमारको सैन्य कू विरुद्ध कदम उठाएको छ । बुधबार अमेरिकी राष्ट्रपति जो बाइडेनले म्यानमारका सैन्य नेतामाथि प्रतिबन्धको घोषणा गरेका छन् ।
चिनियाँ समाचार संस्था सिन्ह्वाले दिएको खबरअनुसार सैन्य नेताको अमेरिकामा रहेको १ विलियन डलरभन्दा बढी लगानीमा रोक लगाउने निर्णय बाइडेनले गरेका हुन् ।
यसै हप्ता प्रतिबन्धका नयाँ कदमको पहिचान गरी निर्यातमा प्रतिबन्ध लगाउने बाइडेनले बताएका छन् ।
सेनाले हिरासतमा लिएका म्यानमारका राष्ट्रपति विन मिन्ट र नेतृ स्टेट काउन्सिलर आङ सान सुकीलाई तुरुन्त रिहा गर्न बाइडेनले माग गरेका छन् ।
यही फेब्रुअरी १ मा म्यानमारको सेनाले निर्वाचित सरकारलाई अपदस्थ गरी सैन्य शासन लागु गर्दै एक वर्षका लागि संकटकालको घोषणा गरेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
