जनयुद्धको उद्गमस्थल मध्ये एक रुकुम पश्चिममा विभिन्न कार्यक्रम गरी जनयुद्ध दिवस मनाइएको छ । शनिबार ‘महान् जनयुद्धको २६ औँ वार्षिकोत्सव भव्य रुपले मनाऔँ, केपी ओली सरकारले गरेको असंवैधानिक कदमको सशक्त प्रतिरोध गरौँ’ लेखिएका ब्यारनसहित रुकुम पश्चिमको मुसिकोटमा दिवस मनाइएको हो ।

तत्कालीन नेकपा माओवादीले २०५२ फागुन १ गते चारवटा प्रहरी चौकीमा पहिलो फौजी कारबाही गरेर जनयुद्ध घोषणा गरेको थियो । जनयुद्ध २०६३ मंसिर ५ गतेबाट अन्त्य भएको थियो ।