नेपाली कांग्रेसका युवा नेता तथा पूर्वमन्त्री गगन थापाले प्रधानमन्त्री केपी शर्मा ओली नेतृत्वको सरकारको पतन अब धेरै टाढा नभएको बताएका छन् । 

थापाले सामाजिक सञ्जालमा टिप्पणी गर्दै ओली सरकारको आयु अब धेरै नभएको बताएका हुन् । बैतडीको कांग्रेस सभामा ओली समूहको आक्रमणको घटनामा टिप्पणी गर्दै थापाले यस्तो बताएका हुन् । 

बैतडीमा केन्द्रीय नेताहरु एन पि साउद र डिला संग्रौला सहभागी भएको कांग्रेसको सभालाई लक्षित गरेर ओली पक्षका कार्यकर्ताले गरेको आक्रमण निन्दनीय भएको उनले लेखेका छन् । 

हिंसा कायरहरूको हतियार भएको बताउँदै थापाले निषेध र आक्रमणको शैली सत्ता र शक्तिको उन्माद तथा ओलीको हतास मनस्थितिको उपज भएको टिप्पणी गरेका छन् ।  

वैधता र वैधानिकता दुवै गुमाएको ओली सरकारको पतन अब धेरै टाढा नभएको थापाको भनाइ छ ।