प्रधानमन्त्री केपी शर्मा ओलीले अदालतको अवहेलना मुद्दामा आफ्नो जवाफ सर्वोच्च अदालतमा बुझाएका छन् । आज आफैँ अदालतमा उपस्थित भएर लिखित जवाफ बुझाएका हुन् । 

ओलीले आज सर्वोच्चमा ११ बुँदासहितको लिखित जवाफ अदालतमा पेस गरेका हुन् । उनले जवाफको दोस्रो बुँदामा अदालतप्रति आफ्नो उच्च सम्मान रहेको उल्लेख गरेका छन् । 

ओलीले आफूले अदालतको कुनैपनि दृष्टिकोणबाट अवहेलना नगरेको भन्दै कुनैपनि व्यक्तिले राखेको मन्तव्यको पूर्ण पाठको आशय नबुझी केही शब्दहरु मात्रैले त्यसको पूर्ण अर्थ नलाग्ने हुँदा अदालतमा परेको निवेदनको दावी नै दूषित भएको जिकिर गरेका छन् ।