‘सत्ताधारी पार्टीका भारदारी वर्गको स्वार्थमा राज्य केन्द्रित’
फरकधार / ९ फागुन, २०७७

राष्ट्रिय प्रजातन्त्र पार्टी (राप्रपा) का अध्यक्ष डा. प्रकाशचन्द्र लोहनीले वर्तमान राजनीतिमा जनताको हितको नारा दिए पनि सत्ताधारी पार्टीका भारदारी वर्गको भ्रष्ट स्वार्थमा राज्य केन्द्रित हुन थालेको बताएका छन् ।

‘राजनीति मुद्दा समाधान भयो, अब आर्थिक समृद्धिको युग आरम्भ हुन्छ भनेर तीन वर्ष अगाडि भनिएको थियो । तर वर्तमान अवस्था त्यसको ठिक विपरीत छ,’ अध्यक्ष लोहनीले भने ।

राप्रपा कपिलवस्तुले आयोजना गरेको सभालाई सम्बोधन गर्दै अध्यक्ष लोहनीले देशको राजनीति अस्थिर र अन्योलपूर्ण भएको भन्दै चिन्ता व्यक्त गरे । 

‘भनाइमा राष्ट्रियताको कुरा छन्, तर गराइ लम्पसारवाद उन्मुख छ । भनाइ भ्रष्टाचार विरोधी छ, व्यवहार भ्रष्टाचारलाई संरक्षण गर्ने छ । नारा निष्पक्ष प्रशासनको छ, गराइ हरेक तहमा पार्टीगत भागवण्डा हावी छ । संविधान संरक्षणको आदर्श छाटिन्छ तर ऐन कानुन र संविधान सत्ता स्वार्थको हतियार मात्र भएको छ । नारा प्रजातन्त्रको छ, व्यवहार अधिनायकवाद र सर्वसत्तावादउन्मुख रहेको छ ।’

राप्रपाले बोकेको एजेन्डा– संविधान भित्रको राजसंस्था र सर्वधर्म समभावसहित नेपाली पहिचान कायम राख्ने हिन्दुराष्ट्रको सार्थकता पहिलेभन्दा पनि जरुरी भएको उनले बताए ।

संविधानमा कतै नभएको धारा प्रयोग गरी जनप्रतिनिधिमुलुक संस्था विघटन गरे पनि यसको अन्तिम फैसला सर्वोच्च अदालतले गर्ने उनले बताए । उक्त फैसलाले राजनीतिक रूपमा बन्धक रहेको अवस्थाबाट मुलुकले पार पाउने समेत लोहनीले बताए ।

सभालाई राप्रपाका केन्द्रीय नेताहरू ध्रुव रायमाझी, कृष्ण चौधरी, इद्रिस मुसलमान, खनिज फतेम, जनक पाठक लगायतले सम्बोधन गरेका थिए ।

  • प्रकाशित मिति : फागुन ९, २०७७ आइतबार १२:१२:५२,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया