भारतमा केही दिन यता कोरोनाभाइरस संक्रमण अलिक सुस्त देखिएको थियो । तर, अब फेरि त्यहाँ कोरोना त्रास बढ्न थालेको छ । कोरोना त्रास बढेसँगै महाराष्ट्रका मुख्यमन्त्री उद्धव ठाकरेले राज्यमा विभिन्न प्रतिबन्ध लगाएका छन् । 

अब महाराष्ट्रमा राजनीतिक, धार्मिक तथा सामाजिक आयोजनाहरु गर्न नपाइने भएको छ । 

एक टिभीमा सम्बोधन गर्दै मुख्यमन्त्री ठाकरेले यो प्रतिबन्ध लगाएका हुन् । उनले अब त्यहाँ केही दिन राजनीतिक आन्दोलन पनि गर्न नपाइने बताएका छन् । 

उनले लकडाउन नै कोभिड १९ को समाधान नभए पनि यो भाइरसको ट्रान्समिसन रोक्नका लागि सबैभन्दा उपयुक्त संयन्त्र यही भएको बताएका छन् । 

‘कोरोनाभाइरसबाट बच्न अझै पनि हामीले मास्क लगाइरहनु पर्छ,’ उनले भनेका छन्, ‘अनि सामाजिक दूरीलाई बिर्सनु हुँदैन ।’