नेकपा दाहाल-नेपाल समूहनिकट अनेरास्ववियुका अध्यक्ष रञ्जित तामाङले प्रतिनिधिसभा विघटन नसच्याए जुत्ताको माला लगाइदिने बताएका छन्। नारायणहिटी दरबार संग्रहालय अगाडि आयोजित जुत्ता प्रदर्शनका क्रममा उनले यस्तो बताएका हुन्। 

'आज त यहाँ जुत्तामात्रै प्रदर्शन गर्‍यौँ, प्रतिगमन गर्नेलाई जुत्ताको माला लगाइदिन्छौँ', उनले भने, 'प्रतिगमनका मतियारहरुले पदबाट राजीनामा दिऊन्। प्रतिगमन नसच्चिएसम्म हामी कार्यक्रम गरिरहनेछौँ।'

उनले प्रतिनिधिसभा विघटनको निर्णय सँच्चिनै पर्ने मत राखे। 'प्रतिगमन सच्चिएन भने जनताले उनीहरुलाई जुत्ताको माला लगाउने दिन आउनेछ', उनले भने, 'असंवैधानिक गतिविधि र निर्णय नगर्न आग्रह गर्छौँ।'