मन्त्रिपरिषद् बैठक बस्दै, त्यसअघि सुरक्षा परिषद् बैठक, विभिन्न आशंका
फरकधार / ११ फागुन, २०७७
प्रधानमन्त्री केपी शर्मा ओली ।

प्रधानमन्त्री केपी शर्मा ओलीले आज सुरक्षा परिषद् बैठक बोलाएका छन् । सुरक्षा परिषद् बैठक ९ बजेका लागि बोलाइएको हो । सिंहदरबारमा बस्ने यो बैठक लगत्तै बालुवाटारमा आज मन्त्रिपरिषद् बैठक पनि बस्दै छ ।

सुरक्षा परिषद् बैठकलाई नियमित भनिए पनि यो बैठकले विशेष निर्र्णयहरु गर्न सक्ने अनुमान गरिएको छ । झन्, लगत्तै बस्ने भनिएको मन्त्रिपरिषद्का कारण यसबारे विभिन्न आशंका उब्जिएका छन् ।

‘यी दुवै नियमित बैठक हुन्, आशंका गर्नु पर्दैन,’ एक मन्त्रीले फरकधारलाई बताए । 

५ पुसमा प्रतिनिधिसभा विघटन भएपछि प्रधानमन्त्री ओलीका कदमहरुलाई अहिले विशेष विश्लेषणका साथ हेर्न थालिएको छ । त्यही कारण पनि आजको बैठक विशेष रुपमा हेरिएको हो । 

आजको मन्त्रिपरिषद् बैठकले नेत्रविक्रम चन्द विप्लव नेतृत्वको पार्टीमाथिको प्रतिबन्ध फुकुवा गर्न सक्ने अनुमान गरिएको छ । यही विषयमा सुरक्षा परिषद् तथा मन्त्रिपरिषद् बैठकमा छलफल हुनसक्ने बताइएको छ ।

यसअघि विप्लव समूहले सरकारले आफ्ना मागहरु पूरा गरे आफू वार्तामा बस्न तयार भएको बताइसकेको छ । त्यस्तै, सरकारका विभिन्न मन्त्रीले पनि विप्लव समूहलाई खुला राजनीतिमा ल्याउने प्रयास भएको स्वीकार गरिसकेका छन् ।

  • प्रकाशित मिति : फागुन ११, २०७७ मंगलबार ८:५३:१८,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया