नेपाल कम्युनिस्ट पार्टी (नेकपा) ओली समूहका सचिवालय सदस्य ईश्वर पोखरेलले सर्वोच्च अदालतले गरेको प्रतिनिधिसभा विघटनको बदरलाई आफूहरुले माने पनि सम्मान नगर्ने बताएका छन् ।
उनले प्रधानमन्त्री केपी शर्मा ओलीको राजनीतिक प्रयत्नलाई कानुनी आवरणमा निस्तेज बनाउने काम भएको बताएका छन् ।
सामाजिक सन्जाल ट्विटरमा उनले सरकार सन्चालनमा गतिरोध सिर्जना भएसँगै सार्वभौम जनतामा गएर जनादेशको माध्यमबाट समाधान गर्ने चाहना राखेर प्रधानमन्त्री ओलीले संसद विघटन गरेको स्मरण गरेका छन् ।
यसले मुलुकको राजनीतिलाई थप गम्भीर र अस्थीर, जटिल बनाउने पनि उनले दाबी गरेका छन् ।
‘निर्णयलाई माने पनि सम्मान गर्न सकिन्न,’ उनले लेखेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
