सत्तारुढ नेकपाको प्रचण्ड-माधव समूहका नेता रामनारायण बिडारीले संसद पुनःस्थापनाको खुसीमा नेताद्वय प्रचण्ड र माधव कुमार नेपालले अबिर दलेर लड्डु खानु ठीक नभएको बताएका छन् । 

राष्ट्रियसभाका सदस्यसमेत रहेका बिडारीले सामाजिक सञ्जालमार्फत आम निर्वाचनमा विजयी हुँदासमेत अबिर जुलुस नगर्ने संस्कृतिबाट हुर्केकाहरुले अहिले अदालतको निर्णयमा अबिर लगाएर लड्डु खानु आफूलाई ठीक नलागेको बताए । 

बिडारीले लेखेका छन, आम निर्वाचनमा विजयी हुँदासमेत अबिर जुलुस नगर्ने संस्कृतिबाट हुर्केको हामी (रुदाने) अदालतको निर्णयमा मिठाइ फेसबुक चै ठीक लागेन ।

लगत्तै बिडारीले प्रधानमन्त्री केपी ओलीलाई पनि सामाजिक सञ्जालमार्फत नै आरोप लगाएका छन् । उनले लेखेका छन्, 'आफूलाई मन नपरेर सम्बन्धविच्छेद गरेको संसदलाई अब प्र.म.ले बदनाम गराउन सक्दो प्रयास गर्दैछन्, हेर्दै जाउँ ।'

बिडारीले अर्को पोष्ट गरेका छन्, 'राजनैतिक दलले पार्टी सदस्यताबाट हटाएर संसदमा जानकारी दिएपछि प्र.म.को सांसद पद जाने कानुन छ है !'