पूर्वप्रधानमन्त्री डा. बाबुराम भट्टराईले राजनीतिक सहमति गरेर चुनावी सरकार बनाउन प्रस्ताव गरेका छन् । भारतबाट फर्केलगत्तै आएको बाबुरामको यो प्रस्तावलाई अर्थपूर्ण रुपमा लिइएको छ ।
जनता समाजवादी पार्टी (जसपा)का संघीय परिषद्का अध्यक्ष भट्टराईले अहिलेको समस्याको जरो ०६५–०६६ पछि भत्किएको राजनीतिक सहमति भएको बताएका छन् । भट्टराईले मंगलबार साँझ ट्विटरमार्फत पुरानै ठाउँमा फर्किएर ‘फर्गिभ एण्ड फर्गेट’ (माफ गर र बिर्सिदेऊ)को स्पिरिटमा राजनीतिक सहमति गर्नुपर्ने बताएका हुन् ।
भट्टराईले यसरी बन्ने सरकारले शान्ति प्रक्रियाका बाँकी काम पूरा गर्ने, सहमतिमा संविधान संशोधन गर्ने, संवैधानिक अंगहरुलाई निष्पक्ष बनाएर सुशासन दिने, समावेशी समृद्धिको बृहत् गुरुयोजना बनाएर कार्यान्वयन गर्ने र छिमेकमा बदलिँदो भूराजनीतिलाई ध्यान दिँदै मुख्यतः भारत, चीन र अमेरिकासँग सम्बन्ध राम्रो बनाउनुपर्ने बताएका छन् ।
दश दिनको प्रवासपछि स्वदेश फर्कदा आफ्नोभन्दा देशको स्वास्थ्यले गम्भीर बनायो।यसो गरौं न: १.ऐलेको समस्याको जरो०६५/६६पछि भत्केको राजनीतिक सहमति हो! बाटो बिराए पुरानै ठाउॅमा फर्कनू भने झैं एक पटक Forgive&Forgetको स्पिरिटमा राजनीतिक सहमति गरेर चुनावी सरकार निर्माणसंगै यी काम गरौं:..२
— Baburam Bhattarai (@brb1954) March 2, 2021
अ)TRCलगायत शान्तिप्रक्रियाका बाॅकी काम पूरागरौं;आ)सहमतिले संविधान संशोधन गरौं;इ)संवैधानिक अंगहरूलाई निष्पक्ष बनाएर सुशासन दिऊॅ;ई)समावेसी समृद्धिको वृहद गुरूयोजना बनाएर कार्यान्वयन गरौं;उ)विश्व/छिमेकमा बदलिदो भूराजनीतिलाई ध्यान दिंदै मुख्यत: भारत/चीन/अमेरिकासंग असल सम्बन्ध बनाऊॅ!
— Baburam Bhattarai (@brb1954) March 2, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।