सरकारले प्रतिबन्धित नेपाल कम्युनिष्ट पार्टीसँगको वार्ता सुरु गरेको छ । प्रधानमन्त्रीको सरकारी निवास बालुवाटारमा वार्ता सुरु भएको स्रोतले जनाएको छ । 

सरकारको तर्फबाट वार्ताका लागि हिजो गृहमन्त्री राम बहादुर थापा बादल र प्रधानमन्त्रीका विदेश मामिला सल्लाहकार डा. राजन भट्टराई रहेको वार्ता टोली बनाएको थियो । 

त्यसलगत्तै विप्लव समूहले प्रवक्ता प्रकाण्ड र दीपक सदस्य रहेको वार्ता समिति बनाएको थियो । समूहका संयोजकसहित चारैजना सदस्यहरु वार्तामा रहेका छन् । 

बिहान सवा ७ बजेदेखि बालुवाटारमा वार्ता जारी रहेको स्रोतले जनाएको छ ।