नेपाली बजारमा आज सुनचाँदीको मूल्य बढेको छ । हिजो ह्वात्तै घटेको सुनको मूल्य आज ५ सय रुपैयाँले बढेको नेपाल सुनचाँदी व्यवसायी महासंघले जनाएको छ । 

आज नेपाली बजारमा छापावाल सुन प्रतितोला ५ सय रुपैयाँले बढेर ८७ हजार ५ सय रुपैयाँमा कारोबार भइरहेको छ । तेजाबी सुन प्रतितोला ८७ हजार ५० रुपैयाँमा कारोबार भइरहेको महासंघले जनाएको छ । 

आज नेपाली बजारमा चाँदीको मूल्य तोलामा २५ रुपैयाँले बढेको छ । आज चाँदी प्रतितोला १ हजार ३१५ रुपैयाँका कारोबार भइरहेको महासंघले जनाएको छ ।