प्रमुख प्रतिपक्षी नेपाली कांग्रेसका सभापति शेरबहादुर देउवाले पनि कोरोनाविरुद्धको भ्याक्सिन लगाएका छन्। हेलिकोप्टरमा चितवन र रौतहट पुगेर आएका उनले बुधबार अपरान्ह नयाँबानेश्वरस्थित निजामती अस्पताल पुगेर कोरोनाविरुद्धको खोप लगाएका हुन्।
देउवा बुधबार बिहानै चितवन र रौतहटको कार्यक्रममा सहभागी हुन हेलिकोप्टरमा गएका थिए। उनले चितवनमा पुगेर कांग्रेसको सभालाई सम्बोधन गरे भने रौतहटमा महायज्ञको उद्घाटन गरेका थिए।
बुधबार बिहानै नेकपा दाहाल-नेपालका अध्यक्ष पुष्पकमल दाहाल प्रचण्डसहितले कोरोनाविरुद्धको पहिलो डोज खोप लगाइसकेका छन्। आगामी फागुन २३ गते संसद बस्ने भएपछि सांसदहरुसहित संसद सचिवालयमा रहेका करिब १५ सयलाई कोरोनाविरुद्धको खोप हानिँदैछ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।