भारतको आगरा सहरमा रहेको ताजमहलमा बम रहेको हल्ला एकाएक फैलिएपछि केही समय हंगामा मच्चियो । भारतीय टेलिभिजन जी न्यूजले दिएको खबर अनुसार आकस्मिक हेल्पलाइन नम्बर ११२ मा कसले फोन गरेर ताजमहलमा बम राखेको सूचना दिएको थियो । 

सो सूचना भएपछि तत्काल त्यहाँका पर्यटकहरूलाई निकाली भित्र छिर्ने गेट बन्द गरिएको थियो ।  ठूलो संख्यामा सुरक्षाकर्मी परिचालन गरी सर्च अभियान चलाइयो । बम राखिएको हल्ला मिथ्या भएको पाइएको जी न्यूजले जनाएको छ । 

सर्च अभियानपछि पुनः ताजमहलका ढोकाहरू खोलिएको छ । कसैले फर्जी जानकारी दिएर कल गरेको प्ष्टि प्रहरीले गरेको छ । कल गर्ने व्यक्तिको हालसम्म पहिचान नभएका र खोजी जारी रहेको अगराका प्रहरीलाई उद्धृत गर्दै जी न्यूजले खबर दिएको छ।