सत्तारुढ नेकपाको प्रचण्ड-माधव समूह र प्रमुख प्रतिपक्ष नेपाली कांग्रेसको आज संसदीय दलको बैठक बस्दै छ ।
कांग्रेसको बैठक संसद भवन बानेश्वरमा बस्दैछ । प्रचण्ड-माधव समूहको बैठक सिंहदरबारमा बस्ने तय भएको छ ।
दुवै बैठकमा २३ गते बस्ने संसद बैठकमा कसरी प्रस्तुत हुने भन्ने विषयमा छलफल हुने बताइएको छ । प्रचण्ड-माधव समूहले सरकारको विरोधमा अब कसरी अगाडि जाने भन्ने रणनीति तय गर्नेछ ।
यता, कांग्रेस संसदीय दलको बैठकले ओलीको बिदाई वा सरकार नयाँ सरकार गठनको विषयमा पदाधिकारी बैठकमा भएको छलफलको आधारमा थप छलफल गर्ने तयारी छ ।
कांग्रेसले प्रधानमन्त्री केपी शर्मा ओलीलाई समर्थन गरेर जाने, आफ्नै नेतृत्वमा नयाँ सरकार बनाउने अथवा ओलीविरुद्ध प्रचण्ड-माधवसँग मिलेर सरकार बनाउने विकल्पमा छलफल गरिरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।