logo-img

देउवा भन्छन्, 'मलाई चाहना नै छैन, कहाँको वेटिङ प्राइममिनिस्टर हुनु ?'
फाइल तस्बिर

प्रमुख प्रतिपक्षी दल नेपाली कांग्रेसका सभापति तथा पूर्वप्रधानमन्त्री शेर बहादुर देउवाले आफूमा प्रधानमन्त्री बन्ने कुनै चाहना नभएको बताएका छन् । देउवाले आफूलाई पदको लोभ तथा लालच नभएको बताए । 

नेपाल विद्यार्थी संघका पूर्वअध्यक्ष तथा कांग्रेसका युवा नेता नैनसिंह महरद्वारा लिखित किताब महाकाण्ड (संसद गठनदेखि विघटनसम्म) को विमोचन कार्यक्रमलाई सम्बोधन गर्दै देउवाले आफूमा प्रधानमन्त्री पदको लोभ नभएको बताएका हुन् । 



सत्तारुढ नेकपाको विवादमा आफू पर्न नचाहेको भन्दै देउवाले आफू वेटिङ प्राइममिनिस्टर नभएको बताए । विपक्षी दलको नेता स्वभाविक रुपमा भविष्यको प्रधानमन्त्री भएपनि आफूमा त्यो पदको लोभ तथा लालच नभएको उनले बताए । 

सभापति देउवाले भने, 'प्राइममिनिस्टर इन वेटिङमा भनेको छ । तर, म त्यसमा पनि छैन । मलाई लोभ पनि छैन, लालच पनि छैन । उनीहरुको झगडामा कहाँ फस्ने भन्या ?'

नेकपाको आफ्नै झगडा चलिरहेकाले आफू त्यसमा नफस्ने सभापति देउवाले बताए । उनले अहिलेको राजनीतिक परिस्थितिमा आफू प्रधानमन्त्री पदको लोभमा नफस्ने उनको भनाइ छ । 

देउवाले प्रष्ट भनेका छन्, 'विपक्षी दलको नेता भनेको प्राइममिनिस्टर इन वेटिङ नै हो । तर पनि म प्रधानमन्त्री हुन चाहेको छैन ।' 





  • प्रकाशित मिति : फागुन २२, २०७७ शनिबार

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया