नेपाली राष्ट्रिय टिमका गोलरक्षक किरण चेम्जोङ भारतमा जारी हिरो आई लिग ‘प्लेयर अफ द मन्थ’ घोषित भएका छन् । उनी टिम अफ द मन्थमा पनि पर्न सफल भएका छन् ।

राउन्डग्लास पञ्जाबबाट आई लिग खेलिरहेका उनी फेब्रुअरी महिनाका लागि ‘प्लेयर अफ द मन्थ’ चुनिएका हुन् । 

नियमित कप्तान विक्रमजित सिंहको अनुपस्थितिमा केही खेलमा टिमको कप्तानीसमेत सम्हालेका किरणले पहिलो चरणमा १० खेल खेल्दा ६ खेलमा क्लिनसिट राख्न सफल भएका थिए । 

किरणले समाजिक सञ्जालमार्फत यो आफ्नो खेल जीवनको अर्को एक महत्वपूर्ण उपलब्धि रहेको बताउँदै यसका लागि सहयोग गर्ने सम्पूर्णलाई धन्यवाद पनि दिएका छन् ।