सातौं संस्करणको प्रधानमन्त्री कप महिला भलिबलमा विभागीय डर्बीमा नेपाल एपिएफ क्लबले विजयी भएको छ ।

नेपालगञ्ज रंगशालाको कभर्ड हलमा शनिबार भएको खेलमा एपिएफले त्रिभुवन आर्मी क्लबमाथि ३–१ सेटको जित हात पारेको हो ।

निकै प्रतिस्पर्धात्मक बनेको पहिलो सेट २६–२४ ले गुमाएको एपिएफले दोस्रो सेट २५–२३, तेस्रो सेटमा २५–१६ र चौथो सेट २५–२३ ले आफ्नो पक्षमा पार्दै उत्कृष्ट पुनरागमन गरेको हो ।

जितसँगै एपिएफले प्रतियोगितामा सुखद् सुरुवात गर्दा आर्मीले पहिलो पराजय बेहोरेको छ । आर्मीले पहिलो खेलमा स्थानीय क्लब लुम्बिनी युनाइटेडलाई ३–० को सोझो सेटमा हराएको थियो ।